Хлопчык-Зорка

Хлопчык-Зорка

А.Уайльд 
Для дзяцей ад 7 год 
Працягласць: 1:20, казка на 2-е дзеі

Вяртаючыся дамоў зімовай ноччу, дрывасек і яго сусед знайшлі ў лесе маленькага хлопчыка, загорнутага ў плашч, расшыты залатымі зоркамі. Дрывасек пашкадаваў дзіця і забраў у сваю сям’ю. Хлопчык вырас таленавітым, разумным і прыгожым. Але сэрца яго перапаўняла ганарлівасць. Там не было месца дабрыні і спачуванню. Казка для дарослых «Хлопчык-Зорка» (менавіта так вызначыў жанр свайго твора пісьменнік) даўно стала найлепшым матэрыялам для размовы аб адвечных ісцінах не толькі з дарослымі, але і з малымі.
Усе мы крочым па дарозе жыцця. Дарога гэтая бывае рознай: і цяжкой, і лёгкай, і прыемнай, і невыноснай. Мы ідзем, часам абражаем іншых, у паўсядзённай мітусні не заўважаючы свайго граху. І толькі калі маральнае выродства становіцца відавочным выродствам знешнім прыходзіць жаданне азірнуцца. Мы з усяе сілы спрабуем выправіць памылкі, вярнуць часам незваротнае, адрадзіць прыгажосць сваёй душы. Але часам гэта бывае так позна... Нават у фінале казкі незразумела, сустрэўся Хлопчык–Зорка з мамай і атрымаў дараванне на зямлі, або ўжо ў лепшым свеце... Гэтая недасказанасць прымушае думаць і разважаць. Яна пакідае моцнае ўражанне і дзякуючы ёй пастаноўка сягае далёка за межы вызначэння ў якасці дзіцячага.

Отзывы
Здесь ещё нет комментариев. Стань первым!
Дата проведения:
28.01.2017   (11:00)
Беларускі тэатр Лялька
г. Витебск, ул. Пушкина, 2

+375 21 236 90 77
Система Orphus